امیرجماعت اسلامی پاکستان حافظ نعیم الرحمان نے آزادکشمیر کنٹرول لائن پہنچ کر کشمیریوں کیساتھ ملکر کنٹرول لائن عباس پور میں یومِ تشکر منایا۔
حافظ نعیم الرحمان کا آزادکشمیر میں جگہ جگہ والہانہ استقبال کیا گیا اور پاکستان زندہ باد کے نعرے لگائے گئے۔
انہوں نے دوراندی سیکٹر میں سیز فائر لائن کا دورہ کیا بھارتی گولہ باری سے مقامی آبادی کے نقصانات کا جائزہ لیا اور مقامی افراد کی حوصلہ افزائی کی۔
امیر جماعت اسلامی نے عباس پور اور بٹل سیکٹرز سیز فائر لائین پر بھارتی گولہ باری سے شہید ہونے والے شہریوں کے اہل خانہ سے تعزیت کر رہے ہیں۔
انہوں نے دوراندی سیکٹر کا دورہ کیا فوجی جوانوں اور مقامی آبادی سے ملاقاتیں کیں اور خطاب میں کہا کہ اللہ کا شکر ہے بھارت کا غرور خاک میں مل گیا،پاکستان کو فتح ملی، کشمیر اور پاکستان یک جان ہیں، کشمیر پاکستان کی شہ رگ ہے۔
ان کا کہنا تھا کہ حکومت پاکستان کنٹرول لائن پر بسنے والوں کی حفاظت یقینی بنائے، قوم متحد ہے اور حکومت سے امید ہے کشمیر کا مسئلہ حل کرائے گی، مسئلہ کشمیر کا حل اقوام متحدہ کی قراردادوں کے مطابق ہونا چاہیے حکمرانوں پر نظر رکھی جائے، کشمیر پر حق خوداردیت کے سوا سمجھوتہ قبول نہیں۔
