The news is by your side.

Advertisement

مقام عبرت: امریکی پناہ گزیں کیمپ کے باہر بیٹھے شخص کے بارے جان کر آپ حیران رہ جائیں گے

ورجینیا: امریکی ریاست ورجینیا میں پناہ گزیں افغان فوج کے سابق سربراہ کی فٹ پاتھ پر تصویر وائرل ہوئی ہے۔

تفصیلات کے مطابق انٹرنیٹ پر سابق سربراہ افغان فوج ہیبت اللہ علی زئی کی ایک تصویر وائرل ہوئی جس میں وہ ورجینیا کے پناہ گزیں کیمپ کے باہر ایک فٹ پاتھ پر بیٹھے نظر آتے ہیں۔

جنرل ہیبت اللہ علی زئی افغانستان کے مفرور صدر اشرف غنی کے دور حکومت میں افغان آرمی کے سربراہ تھے، انھیں صدر اشرف غنی نے کابل چھوڑنے سے صرف ایک ہفتہ قبل افغان آرمی کا سربراہ مقرر کیا تھا۔

افغان آرمی کے سابق سربراہ کی بے بسی کی حالت میں سامنے آنے والی یہ تصویر سماجی رابطے کی ویب سائٹ ’ٹوئٹر‘ پر وائرل ہوئی، تو کچھ لوگوں نے اسے قابل عبرت جانا، اور کئی افغان شہری اس پر مشتعل ہوئے۔

جنرل ہیبت اللہ علی زئی کو جب مفرور صدر اشرف غنی نے افغان آرمی کا کمانڈر مقرر کیا تھا تو انھوں نے طالبان کے خلاف جنگ جیتنے کا دعویٰ بھی کیا تھا، لیکن جیسے ہی خطرہ سر پہ پہنچا تو وہ ملک سے فرار ہو گئے۔

تصویر میں دیکھا جا سکتا ہے کہ سابق آرمی چیف امریکی پناہ گزیں کیمپ کے باہر حسرت و یاس کی تصویر بنے ہوئے ہیں۔ واضح رہے کہ ہیبت اللہ علی زئی صرف 11 سے 15 اگست 2021 تک افغان نیشنل آرمی کے چیف آف سٹاف رہے۔

Comments

یہ بھی پڑھیں