بھارت کے مشہور حجام (ہیئر ڈریسر) کی بال تراشتے وقت خاتون کے بالوں پر تھوکنے کی ویڈیو نے تنازعہ کھڑا کردیا۔
حجام بالوں کو تراشتے وقت کثرت سے اسپرے کی مدد سے پانی کا استعمال کرتے ہیں تاکہ ہر طرح کے بالوں کو باآسانی کاٹ سکیں اور بال کٹوانے والے شخص کو بھی ہر قسم کی پریشانی سے بچایا جاسکے۔
بھارت کے مشہور ہیئر ڈریسر جاوید حبیب کی ایک انتہائی کراہیت آمیز ویڈیو ٹوئٹر پر وائرل ہورہی ہے جس نے انہیں تنازعے میں پھنسا دیا ہے۔
جاوید حبیب ریاست اترپردیش کے شہر مظفر نگر میں ایک ٹریننگ سیمنار کے دوران خاتون کے شرکاء کو بالوں کو خوبصورتی سے تراشنے اور مختلف اسٹائلز میں ڈھالنے کا طریقہ بتارہے تھے۔
ہیئرڈریسر نے عملی مظاہرہ کرنے کےلیے ایک خاتون کو بھی سیلون چیئر(کرسی) پر بٹھا رکھا اور ان کے بال تراش کر شرکائے سیمنار کو بھی اپنا ہنر سکھا رہے تھے، اس دوران انہوں نے خاتون کے سر میں پانی ڈالنے کے بجائے تھوکنا شروع کردیا۔
جاوید حبیب نے اپنے شرکا کو بتایا کہ ‘اگر پانی کی کمی ہے تو۔۔۔۔ اس تھوک میں بہت جان ہے’ جس شرکا نے تالیاں بجانا شروع کردی۔
UP : जावेद हबीब भी "थूक कांड" में शामिल हो गए। बता रहे हैं कि पानी नहीं है तो थूक से भी बाल बनाये जा सकते हैं। वीडियो मुजफ्फरनगर की बताई गई। pic.twitter.com/glsJlDdjYq
— Sachin Gupta (@sachingupta787) January 5, 2022
میڈیا رپورٹس کے مطابق اس ویڈیو میں کوئی چھیڑچھاڑ کی گئی ہے یا یہ ویڈیو حقیقی مناظر پر مبنی ہے اور کس تاریخ کو یہ واقعہ پیش آیا تاحال تصدیق نہیں ہوسکی ہے۔
ویڈیو وائرل ہونے کے بعد متاثرہ خاتون نے انسانی رویے سے متعلق سوشل میڈیا صارفین کو آگاہ کیا، خاتون نے ویڈیو میں کہا کہ ‘میرا نام پوجا گپتا ہے اور ونشیکا بیوٹی پارلر کے نام پارلر چلاتی ہوں، میں بھی سیمنار میں شریک تھی کہ جاوید حبیب نے مجھے اسٹیج پر بال کٹوانے کےلیے دعوت دی اور کہا کہ اگر پانی موجود نہ ہو تو آپ بال کٹوانے کےلیے اپنے تھوک کا بھی استعمال کرسکتے ہیں’۔
پوجا گپتا نے اپنی ویڈیو میں کہا کہ جاوید حبیب کی غیراخلاقی حرکتوں کے بعد میں اپنے گلی کے کونے پر بیٹھے نائی سے بال کٹوا لوں گی لیکن جاوید حبیب نے بھی بال کٹوانا پسند نہیں کروں گی۔
जावेद हबीब ने जिस महिला के बालों में थूका, वो पूजा गुप्ता बड़ौत (बागपत) की हैं।
"उन्होंने मिसबिहेव किया, मैंने वो हेयर कट नहीं कराया, मैं गली के नाई से बाल कटा लूंगी लेकिन जावेद हबीब से नहीं" pic.twitter.com/AfrwrEDOOh
— Sachin Gupta (@sachingupta787) January 6, 2022
خاتون کی ویڈیو سوشل میڈیا پر شیئر ہوتے ہی انٹرنیٹ صارفین نے بزنس مین اور مشہور ہیئر اسٹائلش جاوید حبیب کو تنقید کا نشانہ بنانا شروع کردیا۔
