اسلام آباد : معاون خصوصی علامہ طاہراشرفی کا کہنا ہے کہ ویکسین کےمعاملےپرسعودی حکومت سےرابطےمیں ہیں ،سعودی حکومت نے عازمین کی تعداد کا حتمی فیصلہ نہیں کیا۔
تفصیلات کے مطابق معاون خصوصی علامہ طاہراشرفی نے اے آر وائی نیوز کے پروگرام باخبر سویرا میں گفتگو کرتے ہوئے کہا سعودی حکومت نے عازمین کی تعداد کا حتمی فیصلہ نہیں کیا، 60 ہزارعازمین کی تعداد سعودی صحت کی وزارت کی تھی۔
علامہ طاہراشرفی کا کہنا تھا کہ ویکسین کے معاملے پر سعودی حکومت سےرابطےمیں ہیں، ہماری ویکسین کوعالمی ادارہ صحت نےبھی تسلیم کرلیا ہے۔
گذشتہ روز سعودی وزیر حج و عمرہ کا وزیر مذہبی امور پیر نور الحق قادری سے ٹیلفونک رابطہ ہوا تھا ، جس میں حج 2021 کے آپریشن اور تیاریوں سے متعلق امور پر گفتگو ہوئی۔
ٹیلیفونک رابطے کے بعد وفاقی وزیر نے ویڈیو بیان جاری کرتے ہوئے واضح کیا تھا کہ عازمین کی تعداد اور ایس او پیز ابھی طے ہونا باقی ہیں، سعودی حکومت حتمی فیصلے سے قبل پاکستان کو اعتماد میں لے گی سعودی حکومت کی جانب سے حتمی اعلان کے بعد حج پالیسی کا اعلان کیا جائے گا۔
سعودی سفارتخانہ نے بیان جاری کرتے ہوئے کہا تھا کہ کتنے عازمین شریک ہوں گے،حج پالیسی کیا ہوگی، فیصلہ ہوناہے، حج سےمتعلق کوئی سرکاری فیصلہ نہیں ہوا صرف مختلف تجاویز پر غور جاری ہے۔
