The news is by your side.

Advertisement

حج آپریشن شروع ہونے میں تاخیر ، انتظامات میں بد انتظامی کا خدشہ

اسلام آباد : وزارت مذہبی امور کی جانب سے حج پالیسی جاری نہ کرنے کے باعث حج آپریشن تاخیر کا شکارہے اور انتظامات میں بد انتظامی کا خدشہ ہے۔

تفصیلات کے مطابق وزارت مذہبی امور کی جانب سے حج فلائٹ آپریشن سے متعلق پالیسی جاری نہ ہوسکی ، جس کے باعث حج آپریشن تاخیر کا شکار ہے ، 31 مئی سے عازمین حجاج مقدس پہنچنا تھا۔

عازمین کو حج پیکیج یا اخراجات کی تفصیل بھی معلوم نہ ہوسکی جبکہ سرکاری اور پرائیوٹ حج آپریٹر سے متعلق کوٹے پر بھی فیصلہ نہ ہوسکا۔

ذرائع کا کہنا ہے کہ حج آپریشن کے انتظامات میں بد انتظامی کا خدشہ ہے ، حج پالیسی کا اعلان عمومی طور پر حج شروع ہونے سے ایک ماہ قبل کر دیا جاتا تھا۔

ذرائع نے بتایا ہے کہ نئی وفاقی مذہبی امور تا حال فیصلے کرنے سے قاصر ہے ، جس پر پی آئی اے سمیت نجی ایئرلائن انتظامیہ نے حج پالیسی میں تاخیر پر تشویش کا اظہار کیا۔

Comments

یہ بھی پڑھیں