جمعہ, جولائی 19, 2024
اشتہار

سعودی عرب: عازمین کیلئے وائی فائی کی سہولت

اشتہار

حیرت انگیز

حج سیزن کے لیے سعودی ٹیلی کمیونیکشن اتھارٹی کی جانب سے آپریشنل پلان پر عمل درآمد شروع کردیا گیا ہے، اتھارٹی کی جانب سے اس سال فائیو جی کوریج میں 37 فیصد اضافہ کردیا گیا ہے۔

سعودی خبر رساں ادارے ایس پی اے کی رپورٹ کے مطابق اتھارٹی کے کمشنر ڈاکٹر محمد التمیمی کا کہنا تھا کہ مکہ مکرمہ اور مشاعر مقدسہ میں ٹیلی کمیونیکیشن سروسز فراہم کرنے والوں کی جانب سے فراہم کردہ خدمات کا جائزہ لیا گیا ہے۔

ڈاکٹر محمد التمیمی نے کہا کہ مکہ مکرمہ میں متوسط ڈاؤن لوڈنگ اسپیڈ 255 میگا بائٹ فی سیکنڈ جبکہ مدینہ منورہ میں 292 میگا بائٹ ہے۔

- Advertisement -

’مکہ مکرمہ، مدینہ منورہ اور مشاعر مقدسہ میں عازمین حج کی سہولت کے لئے 10 ہزار 500 مقامات پر وائی فائی کی سہولت فراہم کی گئی ہے۔

گزشتہ برس کے مقابلے میں اس سال ٹیلی کمیونیکیشن کے 6200 ٹاورز کا اضافہ کیا گیا ہے جبکہ فائیوجی ٹیکنالوجی کو سپورٹ کرنے کیلیے 4 ہزار ٹاورز کو نصب کیا گیا ہے۔

دوسری جانب سعودی وزارت اسلامی امور نے خادم حرمین شریفین کے پروگرام کے تحت حج کے لیے آنے والے 9ممالک کے مزید 145 شاہی مہمانوں کو خوش آمدید کہا ہے۔

رپورٹس کے مطابق اب تک 75 ملکوں کے ایک ہزار 75 شاہی مہمان مکہ مکرمہ پہنچ چکے ہیں۔

شاہ سلمان بن عبدالعزیز کی خصوصی دعوت پر دنیا بھر کے 88 ممالک کے 3 ہزار 322 عازمین فریضہ حج ادا کریں گے۔

خصوصی دعوت پر پہنچنے والوں میں دو ہزار عازمین فلسطین میں شہید ہونے اور زخمی ہونے والوں کے لواحقین میں سے ہوں گے جبکہ 22 عازمین سعودی عرب میں علیحدہ ہونے والے سیامی بچوں کے والدین ہوں گے۔

خطبہ حج اردو سمیت 20 زبانوں میں نشر ہوگا

سعودی وزیر اسلامی امور کے مطابق وزارت نے پروگرام کے جنرل سیکرٹریٹ کے ذریعے شاہی فرمان کے نفاذ کے تمام طریقہ کار کو سفارت خانوں اور بیرون ملک وزارت کے مذہبی اتاشیوں کے ساتھ ہم آہنگی کے ساتھ مکمل کر لیا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں