اسلام آباد : سرکاری حج اسکیم کے تحت حج درخواستوں کی وصولی کا آغاز ہوگیا، درخواست کیلئے 2 لاکھ روپے جمع کرانے ہوں گے۔
تفصیلات کے مطابق 15 بینکوں نے حج درخواستوں کی وصولی کا آغاز کر دیا ، حج درخواست کیلئے 2 لاکھ روپے جمع کرانے ہوں گے اور دوسری قسط قرعہ اندازی کے بعد وصول کی جائے گی۔
یکم فروری تک بقیہ حج واجبات کی ادائیگی ضروری قرار دے دی گئی ، وزارت کا ڈیش بورڈ بینک برانچوں کی کارکردگی براہ راست مانیٹر کرے گا۔
- Advertisement -
خواتین عازمین بغیر محرم قابل اعتماد گروپ کے ساتھ حج پر جا سکتی ہیں ، الگ تربیتی رومز، قربانی اور دیگر سہولتیں حج پیکیج میں شامل ہیں۔
ایڈوانس اسٹیج کی حاملہ خواتین اور 12 سال سے کم عمر بچے حج کے لیے نااہل ہوں گے۔
