سرکاری حج پر جانے والے پاکستانی عازمین کیلئے بڑی خبر آگئی

اسلام آباد : سرکاری ا سکیم کے تحت حج میں 7 لاکھ سے 10 لاکھ روپے تک بڑھنے کا امکان ہے۔

تفصیلات کے مطابق حج درخواستوں کی وصولی کا آج آخری یوم ہے ، رواں سال حج مہنگا ہونے کے سبب کم درخواستیں وصول ہوئیں۔

سرکاری اسکیم کے تحت حج میں7 لاکھ سے 10 لاکھ روپے تک بڑھنے کا امکان ہے۔

وزارت مذہبی امور کو آن لائن اور براہ راست درخواستیں جمع کرائی جارہی ہیں جبکہ بینکوں اور آن لائن سرکاری حج اسکیم میں درخواستیں جمع کرانے کا آج آخری دن ہے۔

بینکوں کےذریعے4دن میں43ہزار554حج درخواستیں موصول ہوئیں۔

وزارت مذہبی امور نے فیصلہ کیا ہے کہ حج درخواستوں کی وصولی میں توسیع نہیں کی جائے گی اور عازمین حج اپنے کوائف کی تصدیق وزارت کی ویب سائٹ سے لازمی کر لیں۔

خیال رہے رواں سال حج 2022 میں پاکستان کیلئے 81 ہزار 132 عازمین کا کوٹہ مختص کیا گیا ہے۔

Comments