اسلام آباد: پاکستانی حاجیوں کو لےکر پہلی حج پرواز11جون کو صبح 3 بجے اسلام آباد پہنچےگی، شارٹ حج کرنے والے 307 حاجی واپس آئیں گے۔
تفصیلات کے مطابق حج کی سعاد حاصل کرنے والے پاکستانیوں کی وطن واپسی کا سلسلہ 11 جون سے شروع ہوگا، حاجیوں کی وطن واپسی کیلئے سعودی عرب سے پروازوں کا آغاز 10 جون کی رات کو ہوگا۔
پہلی حج پرواز 10 جون کی شب 11 بجکر 50 منٹ پر جدہ سے روانہ ہوگی، پہلی پرواز سے شارٹ حج کرنے والے 307 حاجی وطن واپس پہنچیں گے۔
یہ بھی پڑھیں: پی آئی اے کا قبل از حج آپریشن مکمل
11 جون کو 8 پروازوں سے حاجیوں کو واپس لایاجائے گا، ایک ماہ کے فلائٹ آپریشن میں سرکاری اسکیم کے تحت 88ہزار 390 حاجیوں کو واپس لایا جائےگا۔
سرکاری حج اسکیم کے تحت جو لوگ حجاز مقدس روانہ ہوئے ہیں ان حاجیوں کو 342 پروازوں کے ذریعے وطن واپس لایا جائے گا۔
عازمین حج کیلئے اس بار کس قدر کھانا بنایا جارہا ہے اور کتنی کمپنیاں یہ خدمت انجام دیں گی؟
