اسلام آباد: وزارت مذہبی امور کے ترجمان نے بتایا ہے کہ حج آپریشن کے دوران 98 فیصد سرکاری عازمین کرام کے حج ویزے جاری ہوچکے ہیں۔
تفصیلات کے مطابق ترجمان وزارت مذہبی امور نے بتایا کہ حج آپریشن 2025 کے دوران بعض نیم خواندہ اور دوردراز علاقوں کے عازمین حج کو بائیومیٹرک مسائل پیش آئے، درست بائیومیٹرک نہ ہونے پر ڈیڑھ فیصد زیرالتوا ویزوں کے اجرا پر کام جاری ہے۔
مکہ مکرمہ میں عازمین حج کی رہائشی عمارتوں کے لیے پرمٹ جاری
انھوں نے بتایا کہ نصف فیصد غلطیوں والے ویزوں کا دوبارہ اجرا جلد مکمل ہوجائےگا، وزارت کا حج آئی سیل ایسے عازمین کی معاونت کےلیے مسلسل رابطے میں ہے۔
وزارت مذہبی امور نے بتایا کہ ویزہ یا نجی وجوہات کی باعث رہ جانے والے عازمین کو اگلی پروازوں میں بھیجا جارہا ہے۔
ترجمان وزارت مذہبی امور کا مزید کہنا تھا کہ وزارت کے حاجی کیمپ ہفتے کے ساتوں دن عازمین کی سہولت کیلئے کھلے ہیں۔
