وزارت مذہبی امور کی بد انتظامی، 31 مئی سے شروع حج کی پالیسی تاحال جاری نہ ہو سکی۔
وزارت کی عدم دلچسپی کی وجہ سے حجاج کو حج پیکج یا اخراجات کی تفصیل بھی معلوم نا ہوسکی۔ سرکاری اور نجی حج آپریٹرز سےمتعلق کوٹےپر بھی فیصلہ نا ہوسکا۔
حج شیڈول کے شروع ہونے میں تاخیر اور انتظامات میں بدانتظامی کاخدشہ ہے۔ ممکنہ بد انتظامی سے پاکستانی حجاج کرام میں بے چینی اور اضطراب پایا جاتا ہے۔
اخراجات اور انتظامات معلوم نہ ہونے کے باعث حجاج تذبذب کاشکار ہیں۔ حج پالیسی کا اعلان عمومی طور حج شروع ہونےسے ایک ماہ قبل کر دیا جاتا ہے۔
نئے وفاقی وزیر مذہبی امور قاضی عبدالشکور اہم نوعیت کے فیصلے کرنےسے قاصر ہیں۔ حج آپریٹرز، ہوٹل اور ائیرلائنز انتظامیہ نے بھی حج پالیسی میں تاخیر پر تشویش کا اظہار کیا ہے۔
دوسری جانب قومی ایئرلائن نے حج آپریشن 2022 کا شیڈول جاری کردیا ، پی آئی اے لاہورسمیت 8ایئرپورٹس سے فلائٹ آپریشن چلائے گی۔
ذرائع کا کہنا ہے کہ پی آئی اے لاہور، سیالکوٹ،اسلام آباد ، ملتان،رحیم یار خان،سکھر، پشاور ، کراچی سےحج فلائیٹ آپریٹ کرے گا۔
