اسلام آباد : وفاقی کابینہ کے اجلاس میں آج حج پالیسی 2025 کی منظوری دیئے جانے کا امکان ہے، سرکاری حج پیکیج میں کتنے لاکھ ادا کرنا ہوں گے؟
تفصیلات کے مطابق وزیراعظم شہباز شریف کی زیر دارت وفاقی کابینہ کا اجلاس آج شام ہوگا، اجلاس کا سولہ نکاتی ایجنڈاجاری کردیا گیا۔
وفاقی کابینہ ملکی مجموعی معاشی،امن امان کی صورتحال کاجائزہ لے گی جبکہ آئینی اور قانونی امور پر بھی غور کیا جائے گا۔
وفاقی کابینہ حج پالیسی 2025 کی منظوری دے گی، حج پالیسی کی سرکولیشن کے ذریعے منظوری نہیں لی جا سکی تھی۔
وزارت مذہبی امور نےحج پالیسی منظوری کیلئےدوبارہ کابینہ کو بھجوائی ہے، سرکاری حج پیکیج 10 لاکھ 65 ہزار سے 10 لاکھ 75 ہزار کےدرمیان رکھنےکی تجویز دی گئی ہے ، کوٹہ کےمطابق پاکستان سےایک لاکھ 79 ہزار 210 عازمین حج کی سعادت حاصل کر سکیں گے۔
ذرائع نے بتایا کہ حج کوٹہ گورنمنٹ اور پرائیویٹ حج اسکیم میں 50 فیصد کے تناسب سے تقسیم ہوگا، حج پالسی میں اسپانسر شپ اسکیم بھی تجویز کی گئی ہے۔
ذرائع کا کہنا تھا کہ طویل دورانیے کا حج 38 سے 42 اور مختصر دورانیے کا حج 20 سے 25 روز پر محیط ہوگا تاہم عازمین حج کے لیے سعودی حکومت سے منظور شدہ ویکسین لازمی قرار دی گئی ہے۔
ذرائع نے بتایا کہ اسلام آبادسینٹرل بزنس ڈسٹر کٹ ڈیولپمنٹ اتھارٹی کے قیام کی سمری پیش ہوگی جبکہ چیئرمین این آئی آر سی کی تقرری کی منظوری ایجنڈے میں شامل ہوگا۔
اجلاس میں جموں وکشمیر اسٹیٹ پراپرٹی بجٹ 25-2024 کی منظوری دی جائے گی۔
