جدہ: عازمین حج کیلئے اہم ہدایت جاری کرتے ہوئے متعدی بیماریوں سے بچاؤ کیلئے میننجائٹس ویکسین لگوانا ضروری قرار دیا گیا ہے۔
تفصیلات کے مطابق متعدی بیماریوں سے حفاظت کیلئے حج پر جانے والے افراد کو میننجائٹس ویکسین لگوانے کا کہا گیا ہے، سعودی میڈیا نے بتایا کہ سعودی شہریوں اور غیرملکیوں کیلئے میننجائٹس ویکسین کو لازمی قرار دیا گیا ہے۔
سعودی میڈیا کے مطابق حج کے دوران متعدی بیماریوں سے بچاؤ کیلئے میننجائٹس ویکسین ضروری قراردی گئی، بغیر ویکسین حج پیکجز کی خریداری اور رجسٹریشن ممکن نہیں۔
حج 2025 کی تیاریاں عروج پر پہنچ گئیں، ٹول فری نمبرز جاری
اس بار حج کرنے والے افراد کے حوالے سے سعودی حکام نے واضح کیا کہ میننجائٹس ویکسین کے بغیر کسی کو بھی حج کی اجازت نہیں دی جائیگی۔
سعودی حکام نے کہا کہ سعودی عرب میں مقیم تمام افراد کو حج سے پہلے ویکسین لگوانی ہوگی، ویکسی نیشن جلد مکمل کریں تاکہ کسی رکاوٹ کا سامنا نہ کرنا پڑے۔
حج وعمرہ کے جعلی پیکیجز فروخت کرنے والا گروہ گرفتار
جرمنی سے حج کے لیے سائیکل پر 6 ہزار کلو میٹر کے سفر کا آغاز
