The news is by your side.

Advertisement

حلیم عادل شیخ نے وزیر اعلی سندھ پر بڑا الزام عائد کردیا

کراچی : رکن سندھ اسمبلی حلیم عادل شیخ نے کہا ہے کہ ڈھائی سال سے مراد علی شاہ ہمارے پیچھے لگے ہوئے ہیں، ایک انچ سرکاری زمین میں بھی میرا نام نہیں۔

یہ بات انہوں نے کراچی میں میڈیا سے گفتگو کرتے ہوئے کہی، ، حلیم عادل شیخ نے کہا کہ اینٹی کرپشن ڈیپارٹمنٹ کا کنٹرول بھی وزیراعلیٰ سندھ کے پاس ہوتا ہے، مراد علی شاہ میرے حوالے سے ایک انچ بھی سرکاری زمین میں کرپشن نکال کر دکھادیں۔

انہوں نے کہا کہ سندھ حکومت میری آواز کو بند کرنا چاہتی ہے، جامشورو میں ریونیو اسٹاف مراد علی شاہ کاہے، طارق قریشی ایک بزنس مین ہیں، پیپلزپارٹی12سال سےحکومت میں ہے اورہم اپوزیشن میں ہیں۔

پی ٹی آئی رہنما کا کہنا تھا کہ معاملے کو سیاسی بنانے کی کوشش کی جارہی ہے، یہ گھٹیاسوچ ہے کہ رشتہ داروں کو بھی بھیچ میں گھسیٹا جائے، مراد علی شاہ کو شرم آنی چاہیے جو رشتہ داروں کو تنگ کررہے ہیں،

رکن صوبائی اسمبلی کا مزید کہنا تھا کہ ڈھائی سال سے مراد علی شاہ ہمارے پیچھے لگے ہوئے ہیں، چینی کمیشن نے طلب کیا تو مراد علی شاہ کیوں نہیں پیش ہوئے، میں کہیں نہیں جارہا جس نے پکڑنا ہے پکڑلے۔

واضح رہے کہ محکمہ اینٹی کرپشن نے پی ٹی آئی رہنما کے خلاف حتمی رپورٹ تیار کرکے متعلقہ حکام کو ارسال کردی ہے جس میں کہا گیا ہے کہ کراچی میں سیکڑوں ایکڑ زمین پر قبضہ کرکے ہاوٴسنگ اسکیمیں بنائی گئیں۔

fb-share-icon0
Tweet 20

Comments

comments

یہ بھی پڑھیں