کراچی : اپوزیشن لیڈر سندھ حلیم عادل شیخ نے کے ایم سی اینٹی انکروچمنٹ عملے پر نالوں کی صفائی کے دوران ایک طالبہ سے زیادتی کا سنگین الزام عائد کردیا۔
تفصیلات کے مطابق کے ایم سی اینٹی انکروچمنٹ عملے پر اپوزیشن لیڈر سندھ حلیم عادل شیخ نے سنگین الزام عائد کرتے ہوئے کہا نالوں کی صفائی کے دوران ایک طالبہ سے زیادتی کی گئی۔
حلیم عادل شیخ کا کہنا تھا کہ مکان نہ توڑنے پر بلیک میلنگ کا یہ واقعہ پیش آیا، مرنے والی طالبہ ذکیہ شاہد کے گھر گیاتو اس واقعےکاعلم ہوا۔
اپوزیشن لیڈر سندھ نے کہا کے ایم سی کا عملہ اور ملازم گھر توڑنے گئےتھے ، اسی دوران طالبہ کو ہراساں اوربلیک میل کیاگیا ،وہ نام نہیں بتانا چاہتےمگرمیں ان سے رابطےمیں ہوں۔
ان کا کہنا تھا کہ ایک کی جان اور عزت بھی چلی گئی، مرتضیٰ وہاب سے کہتا ہوں آپ اس بچی تک پہنچیں، ذمہ دار شہری ہونے کے ناطے اس کا نام نہیں لینا چاہ رہا۔
حلیم عادل شیخ نے مزید کہا کہ افسوسناک واقعہ ہے جن لوگوں نے کیا میں ان کوچھوڑوں گا نہیں۔
