شکارپور :اپوزیشن لیڈر سندھ حلیم عادل شیخ نے آئی جی سندھ کو فوری ہٹانے کا مطالبہ کردیا اور کہا سندھ حکومت جس دن کہے گی رینجرز اورفوج آجائے گی۔
تفصیلات کے مطابق اپوزیشن لیڈر سندھ حلیم عادل شیخ نے آئی جی سندھ کو فوری ہٹانے کا مطالبہ کرتے ہوئے کہا سندھ حکومت اور آئی جی مکمل ناکام ہوچکے ہیں، امن امان کے لیے شہید ہونے والےاہلکار ہمارے ہیرو ہیں۔
حلیم عادل شیخ کا کہنا تھا کہ سندھ حکومت جس دن کہے گی رینجرز اورفوج آجائے گی، رینجرز کواختیارات صرف کراچی کی حد تک دیےہوئے ہیں، یہاں رینجرز آگئی تو سب سےپہلےپکے کے ڈاکو پکڑے جائیں گے،حلیم عادل شیخ
اپوزیشن لیڈر سندھ نے کہا آئی جی سندھ اپنے علاقے میں امن امان میں ناکام ہوچکے ہیں، ایس ایس پیز اور اہلکار میدان میں ہیں آئی جی سندھ نظر نہیں آتے، ورثاسے تعزیت کے لیے پی پی کا کوئی نمائندہ نہیں پہنچا۔
ان کا مزید کہنا تھا کہ بلوچستان میں اے پی سیز میں گولیاں پار نہیں ہوتی، 18 ویں ترمیم کے بعد امن امان صوبائی معاملہ ہے، سندھ میں 756 ارب امن امان پر خرچ ہو رہے ہیں ، حالت یہ ہےکہ پولیس اهلكار شہید اور ملزمان اے پی سی پر کھڑے رقص کررہے ہیں۔
