The news is by your side.

Advertisement

پی ٹی آئی رہنما نے کراچی میں بارش سے تباہی کی وجہ بتا دی

کراچی : پی ٹی آئی رہنما حلیم عادل شیخ کا کہنا ہے کہ کراچی میں ٹارگٹ کلنگ، گینگ وار نے اتنانقصان نہیں پہنچایا جتنا کچرے نے پہنچایا، تجاوزات اور کچراصاف نہ ہونے کی وجہ سے شہر ڈوبا، اتنے بڑے شہرمیں خدا نہ کرے زلزلہ آجائے تو کیا ہوگا؟

تفصیلات کے مطابق پی ٹی آئی رہنما حلیم عادل شیخ نے کراچی میں بارشوں کی تباہ کاریوں پر پیغام میں کہا کہ کراچی کوکل سب نے دیکھا کس طرح شہر کو تباہ کیا گیا ہے، کل سب کی آنکھیں کھل گئی ہوں گی کہ شہر کس طرح ڈوبا۔

پی ٹی آئی رہنما کا کہنا تھا کہ ٹارگٹ کلنگ،گینگ وار نے اتنانقصان نہیں پہنچایا جتنا کچرے نے پہنچایا، کراچی تجاوزات ،کچراصاف نہ ہونے کی وجہ سےڈوبا، کراچی کی ذمہ داری سندھ حکومت کی ہےلیکن کہیں نظر نہیں آتی۔

حلیم عادل شیخ نے کہا کہ وزیراعلیٰ فرمارہےتھے کہ ہمارے وزراعوام میں ہیں، کل کراچی میں ان وزرا نے کسی کو ریسکیو کیا؟ کہیں نظر آئے، اتنے بڑے شہرمیں خدا نہ کرے زلزلہ آجائے تو کیا ہوگا؟

ان کا کہنا تھا کہ سندھ حکومت کے پاس ریسکیوکافعال ادارہ نہیں، نظر آئی توصرف پاک آرمی،رینجرز جنہوں نےعوام کی مددکی، سندھ پولیس بھی وی آئی پی پروٹوکول میں ڈوبتی نظرآرہی تھی۔

رہنما پی ٹی آئی نے مزید کہا کہ میئرصاحب مگرمچھ کے آنسو بہا رہے تھے ، میئرکراچی نےاپنی مدت میں ریسکیوکاادارہ کیوں نہیں بنایا، ڈی ایم سیزمیں سیکڑوں جعلی ملازمین کوبھرتی کیا گیا ، کراچی کوکل لاوارث چھوڑاگیا،ہم عوام کے ساتھ ہیں، ہم متاثرین کراچی ہیں ہمارے اراکین عوام کے ساتھ ہیں۔

Comments

یہ بھی پڑھیں