The news is by your side.

Advertisement

امتحانی فیس : نویں اوردسویں جماعت کے طلباء کیلئے اہم خبر آگئی

کراچی : اپوزیشن لیڈر سندھ حلیم عادل شیخ کا کہنا ہے کہ نجی اسکولز نے امتحانی فیس 4 ہزار تک بڑھا دی اور غریب طلبا سے زائد فیس طلب کر کے انہیں پریشان کیا جارہا ہے۔

تفصیلات کے مطابق نویں اوردسویں جماعت کی امتحانی فیس ڈھائی ہزار کرنے پر اپوزیشن لیڈر سندھ حلیم عادل شیخ نے اظہار برہمی کرتے ہوئے کہا کہ نجی اسکولز نے امتحانی فیس 4 ہزار تک بڑھا دی، مفت تعلیم دینے کے دعوے کرنے والے طلبا کو لوٹ رہے ہیں۔

حلیم عادل شیخ کا کہنا تھا کہ بورڈز کو پیسے ادا نہیں کیے جاتے ہیں، سندھ حکومت نے بورڈز کے پیسے برسیوں پر لگا دیے، غریب طلبا سے زائد فیس طلب کر کے انہیں پریشان کیا جارہا ہے اور وزیر موصوف امتحانی فیسز میں بھی کک بیکس لےرہے ہیں۔

اپوزیشن لیڈر نے کہا کہ سندھ میں تعلیم کا شعبہ مکمل تباہ ہوچکا ہے، پی پی نہیں چاہتی کسی غریب کا بچہ پڑھ لکھ کر ان سےحق مانگے، اسکول اوطاقوں اور بھینسوں کے باڑوں میں تبدیل کرکے بند کردیے گئے۔

ان کا کہنا تھا کہ سندھ میں نوجوان نسل کے خلاف جیالا گردی شروع کردی گئی ہے، سندھ حکومت تعلیم کا شعبہ نہیں چلاسکتی تو وفاق کے حوالے کردے، وفاق صوبے میں تعلیم کا نظام بہتر بنانے کے لیے تیار ہے۔

Comments

یہ بھی پڑھیں