حلیمہ قتل کیس : ملزم رضوان اعترافی بیان سے مکرگیا -
The news is by your side.

Advertisement

حلیمہ قتل کیس : ملزم رضوان اعترافی بیان سے مکرگیا

کراچی : دو دریا سے شروع ہونے والی کہانی کے مرکزی ملزم رضوان نے ننھے عبداللہ کی ماں کے قتل سے انکار کردیا ملزم کا کہنا ہے کہ پولیس اعتراف جرم کے لیے دباؤ ڈال رہی ہے۔

تفصیلات کے مطابق ننھے عبداللہ کی ماں حلیمہ کی قتل کہانی نے ایک بار پھر نیا رخ اختیار کرلیا، قتل کا ملزم رضوان عدالت میں اعترافی بیان سے مکر گیا۔

حلیمہ قتل کیس کے مرکزی ملزم رضوان کو عدالت میں پیش کیا گیا تو ملزم نے عدالت میں بیان دیا کہ اس نے حلیمہ کو قتل نہیں کیا، حلیمہ کو اس کے سوتیلے بیٹے انصر نے قتل کیا اُسے کیوں نظر انداز کیا جارہا ہے۔

رضوان نے عدالت میں بتایا کہ حلیمہ قتل کیس سے اس کا کوئی تعلق نہیں، پولیس جرم کا اعتراف کرانے کے لیے اس پر دباؤ ڈال رہی ہے، اس کی جان کو خطرہ لاحق ہے۔

تفتیشی افسر کی جانب سے رضوان کا اعترافی بیان قلم بند کرانے کے لیے  مہلت کی درخواست کی گئی جسے عدالت نے مسترد کرتے ہوئے ملزم رضوان کو چودہ روزہ جوڈیشل ریمانڈ پر جیل بھیج دیا اور تفتیشی افسر کو ہدایت کی کہ وہ 14 جون کو مقدمے کا چالان پیش کرے۔

Comments

comments

یہ بھی پڑھیں