حماس کے مرکزی رہنما اور مذاکرات کار موسیٰ ابو مرزوق نے انکشاف کیا ہے کہ ریڈ کراس نے حماس کے پاس اسرائیلی جنگی قیدیوں کو دوا فراہمی کی درخواست کی تھی۔
بین الاقوامی خبر رساں ادارے کی رپورٹ کے مطابق حماس کے مرکزی رہنما موسیٰ ابومرزوق نے کہا کہ حماس کی قید میں موجود اسرائیلی قیدیوں کے لیے 140 قسم کی ادویات دی گئیں۔
موسیٰ ابومرزوق نے کہا کہ ادویات کی فراہمی کیلئے ہم نے متعدد شرائط رکھیں، اسرائیلی قیدیوں کیلئے دوائی کے ہر ڈبے کے بدلے ہمارے لوگوں کیلئے دوائیوں کے ایک ہزار ڈبے دینے ہوں گے۔جس ملک پر ہم بھروسہ کرتے ہیں صرف اس کے ذریعے دوا فراہم کرنا ہوگی۔
دوسری جانب حماس کے عہدیدار نے عرب اور مسلمان ممالک پر غزہ محاصرے کو توڑنے کی درخواست کی ہے۔
اسامہ حمدان نے غزہ کے لوگوں کی مدد کرنے کے لئے اسرائیل اور بائیڈن انتظامیہ پر ”فوری اور سنجیدہ”دباؤ کا مطالبہ کیا ہے۔
روس اور ایران میں اہم معاہدے کا امکان، امریکا اور اسرائیل کو تشویش
انہوں نے کہا کہ ہم اسلامی تعاون کی تنظیم اور عرب لیگ سے گزارش کرتے ہیں کہ وہ غزہ کے محاصرے کو تیزی سے اور فوری طور پر توڑ دیں اور غزہ کے تمام علاقوں میں طبی اور شہری دفاعی سازوسامان اور انسانی امداد کے ساتھ سرکاری اور مقبول قافلوں کی اجازت دینے کے لئے قابض صہیونیوں کو مجبور کریں۔
