مسجد اقصیٰ میں اسرائیلی فورسز کے وحشیانہ تشدد کے جواب میں حماس نے یروشلم پر راکٹ حملے کیے ہیں۔
بین الاقوامی میڈیا رپورٹس کے مطابق القدس میں کشیدگی بڑھتی جارہی ہے اور اب حماس نے اسرائیلی کارروائیوں کے جواب میں راکٹ داغے ہیں۔
اسرائیلی میڈیا کا کہنا ہے کہ غزہ کی پٹی سے حماس نے 7 راکٹ فائر کیے جو یروشلم کی یہودی بستیوں میں گرے، ان میں سے ایک کو فضا میں ہی مار گرایا گیا ہے۔
اسرائیلی فوج کا کہنا ہے کہ غزہ کی پٹی سے ایک اینٹی ٹینک میزائل اسرائیل کی طرف فائر کیا گیا ہے۔ حماس نے راکٹ حملے کی ذمہ داری قبول کرتے ہوئے کہاہے کہ اسرائیلی مظالم کا بھرپور جواب دیا جائے گا۔
Hamas' Al-Qassam Brigades long-range rockets fired from a civilian area of #Gaza towards #Jerusalem a short time ago. #Israel pic.twitter.com/dPH9OWcjVt
— Joe Truzman (@JoeTruzman) May 10, 2021
یروشلم میں آخری بار راکٹ حملہ 2014 میں غزہ کی پٹی سے اسرائیل کے آپریشن کے دوران ہوا تھا اور اب 7 سال بعد ایک کامیاب راکٹ حملہ ہوا ہے۔
اسرائیلی دفاعی اہلکاروں کا کہنا ہے کہ اینٹی ٹینک میزائل حملے میں ایک شخص معمولی زخمی ہوا ہے اور اسے اسپتال منتقل کیا گیا ہے۔
