فلسطین کی مزاحمتی تنظیم حماس نے اعلان کیا ہے کہ 7 اہلکاروں کی ہلاکت کے بعد اب غزہ میں اسرائیلی فوجیوں کی ہلاکتیں معمول بن جائیں گی۔
ایرانی سرکاری خبر رساں ادارے پریس ٹی وی کی رپورٹ کے مطابق حماس کے عسکری ونگ القاسم بریگیڈز کے ترجمان ابو عبیدہ نے بیان جاری کیا کہ جب تک یہ قابض فوج فسطینیوں کے خلاف جنگ جاری رکھے گی، اللہ کی رضا سے اسرائیلی فوجیوں کی ہلاکتیں معمول بن جائیں گی۔
واضح رہے کہ گزشتہ روز اسرائیلی فوج کی طرف سے بتایا گیا کہ منگل کے روز جنوبی غزہ کے شہر خان یونس شہر میں بکتر بند گاڑی کو دھماکا خیز مواد سے تباہ کیا گیا جس میں 7 فوجی ہلاک ہوئے۔
Al-Qassam Brigades published a new video, reportedly showing the targeting of Israeli soldiers and vehicles along the incursion lines east of Khan Yunis. pic.twitter.com/J8kglhXrqW
— The Palestine Chronicle (@PalestineChron) June 24, 2025
ابو عبیدہ نے آپریشن کو بہادری اور ہمت کا بے مثال عمل قرار دیتے ہوئے کہا کہ ہمارے مزاحمت کار بہادری اور دلیری کی غیر معمولی مثالیں پیش کر رہے ہیں۔
حماس رہنما نے کہا کہ ہمارا تازہ حملہ تاریخ کی زندہ تصاویر ہیں جو یہ ثابت کرتی ہیں کہ ہمارے مزاحمت کار جدید دور کے سب سے زیادہ بہادر اور خود قربانی میں شامل ہیں۔
گزشتہ روز اسرائیلی دفاع فورسز (آئی ڈی ایف) کی ابتدائی تحقیقات میں معلوم ہوا تھا کہ حماس کی القسام بریگیڈز نے خان یونس میں فوجیوں سے بھری بکتر بند گاڑی کو دھماکا خیز مواد نصب کر کے اڑا دیا۔
دھماکے سے سی ای وی میں آگ لگ گئی اور اسے بجھانے کی کوششیں ناکام رہیں۔ اندر موجود تمام فوجی آگ سے جھلس کر ہلاک ہوئے، بکتر بند کی باقیات کو غزہ سے اسرائیل منتقل کر دیا گیا۔
