دبئی : فوٹو گرافی کے دلدادہ ولی عہد حمدان بن راشد نے بادلوں سے ڈھکی ہوئی فلک بوس عمارتوں کی تصاویر جاری کردیں۔
راشد بن حمدان جو فنون لطیفہ اور سماجی ایشوز پر مخصوص نکتہ نظر رکھتے ہیں نے دبئی کے فضائی مناظر کو اپنے کیمرے میں اتنی خوبصورتی سے محفوظ کیا کہ دیکھنے والے محو حیرت رہ گئے۔
ولی عہد حمدان بن راشد نے سماجی رابطے کی ویب سائٹ انسٹا گرام پر دھند اور آلودگی کو اجاگر کرنے کے لیے دبئی کے فضائی مناظر کی تصاویر شیئر کیں جسے عوام نے کافی سراہا اور دلچسپ تبصرے بھی کیے.
ولی عہد حمدان بن راشد نے دبئی میں بارش کے دوران ہونے والے خوشگوار موسم کی ویڈیو بھی شیئر کی جس میں انہیں گاڑی چلاتے ہوئے دیکھا جا سکتا ہے اس دوران انہوں نے بارش کے باعث مزید چمکدار ہوتی بلند عمارتوں، ہرے بھرے درختوں اور صاف سڑکوں کی عکس بندی کی اور اسے صارفین کے شیئر کیا.
حمدان بن راشد نے دھند اور آلودگی کے باعث ماحولیاتی آلودگی کے خاتمے کے لیے شہریوں کو آگاہی فراہم کی اور ماحول کو صاف ستھرا اور آلودگی سے پاک رکھنے کے لیے عملی اقدامات کی ضرورت پر زور دیا ہے.
