لاہور: ق لیگی رہنما حامد ناصر چٹھہ نے پاکستان تحریک انصاف میں شمولیت کا فیصلہ کرلیا ہے،،چیئرمین پی ٹی ٓئی عمران خان سے ملاقات میں معاملات طے کر لئے۔
ذرائع کے مطابق ق لیگی رہنما حامد ناصر چٹھہ نے بیٹے سمیت پاکستان تحریک انصاف میں شمولت کا فیصلہ کرلیا ہے،کل شام بلوچستان سے واپسی پر عمران خان اور جہانگیر ترین نے حامد ناصر چٹھہ سے لاہور ائیر پورٹ پر ملاقات کی اور پارٹی میں شمولیت سے متعلق معاملات طے کر لئے۔
ذرائع نے دعوی کیا ہے کہ عمران خان جہانگیر ترین کے ہمراہ 11فروری کو حامد ناصر چٹھہ کے گھر جائیں گے۔جبکہ پی ٹی آئی کی جانب سے حامد ناصر چٹھہ کے بیٹے احمد ناصر چٹھہ کو وزیر آباد کے حلقہ این اے 101کے ضمنی انتخاب کے لئے ٹکٹ دینے کا بھی فیصلہ کیا گیا ہے۔
تحریک انصاف کی جانب سے اس تمام تر معاملے کی تردید کی گئی ہے۔
