پی ٹی آئی کے ایک اور رہنما صاحبزادہ حامد رضا کور کمیٹی کے عہدے سے مستعفی ہوگئے۔
اے آر وائی نیوز کے مطابق سلمان اکرم راجہ کے بعد صاحبزادہ حامد رضا نے بھی کور کمیٹی کے عہدے سے استعفیٰ دے دیا، وہ قومی اسمبلی کی نشست سے بھی استعفیٰ دیں گے۔
صاحبزادہ حامد رضا قومی اسمبلی کی نشست سے استعفیٰ بانی پی ٹی آئی کو دیں گے۔
یہ پڑھیں: سلمان اکرام راجہ نے پی ٹی آئی سیکریٹری جنرل کے عہدے سے استعفیٰ دیدیا
اس سے قبل سلمان اکرام راجہ نے پی ٹی آئی سیکریٹری جنرل کے عہدے سے استعفیٰ دیا تھا جس کی تصدیق چیئرمین پی ٹی آئی بیرسٹر گوہر نے بھی کردی تھی۔
ذرائع کا کہنا تھا کہ حالیہ سیاسی صورتحال اور پی ٹی آئی کی سیاسی قیادت پر تنقید کی گئی تھی۔
سلمان اکرم راجہ نے ایک روز قبل ویڈیو پیغام جاری کیا تھا جس میں وہ معاملات کو لے کر رنجیدہ دکھائی دے رہے تھے اور کارکنان کی جانب سے ان کی دی ہوئی وضاحت کو تسلیم نہیں کیا جارہا تھا۔
علاوہ ازیں اب سے کچھ دیر بعد پی ٹی آئی سیاسی کمیٹی کا اجلاس پشاور میں ہونے جارہا ہے جس میں سیاسی صورتحال پر تبادلہ خیال کیا جائے گا۔
