The news is by your side.

Advertisement

تیس جون کے بعد خفیہ جائیدادیں رکھنے والوں کے خلاف کارروائی کی جائے گی، حماد اظہر

اسلام آباد: وزیرمملکت برائے ریونیو حماد اظہر کا کہنا ہے کہ حکومت نے غیررجسٹرڈ جائیدادوں کے اعدادوشمار اکٹھے کیے ہیں جو فیڈرل بورڈ آف ریونیو کی ویب سائٹ پر موجود ہیں۔

تفصیلات کے مطابق وزیرمملکت برائے ریونیو حماد اظہر کا کہنا ہے کہ رواں ماہ کی تیس تاریخ کے بعد خفیہ جائیدادیں رکھنے والوں کے خلاف کارروائی کی جائے گی۔

حماد اظہر نے کہا کہ حکومت نے غیررجسٹرڈ جائیدادوں کے اعدادوشمار اکٹھے کیے ہیں جو فیڈرل بورڈ آف ریونیو کی ویب سائٹ پر موجود ہیں۔

وزیرمملکت برائے ریونیو نے کہا کہ زیادہ سے زیادہ محصولات کی وصولی کے لیے نان فائلرز کے خلاف کارروائی کی جائے گی جس سے قومی معیشت کے فروغ کی راہ ہموار ہوگی۔

جو ایمنسٹی اسکیم لیں گےوہ خوش رہیں گے، شبر زیدی

یاد رہے کہ دو روز قبل چیئرمین ایف بی آر کا کہنا تھا کہ جواسکیم لے گا اورجونہیں لے گا دونوں صورتوں میں ہمارا فائدہ ہے، جو اسکیم لیں گے وہ خوش رہیں گے اورجو نہیں لیں گے انہیں پریشانی ہوگی، شہری شناختی کارڈ کی بنیاد پر اپنی آن لائن معلومات لے سکیں گے۔

شبر زیدی کا کہنا تھا کہ ہم نے کسی کے مخالف چھاپےنہیں مارے، ٹریولنگ، یوٹیلٹی بلز، بینک ٹرانزیکشن سمیت تمام معلومات ایف بی آر کے پاس ہیں۔

Comments

comments

یہ بھی پڑھیں