اسلام آباد : سابق وفاقی وزیر برائے توانائی و بجلی حماد اظہر نے کہا ہے کہ مفتاح اسماعیل اپنی ناکامی چھپانےکی خاطر مختلف بہانے تلاش کر رہے ہیں۔
سماجی رابطے کی ویب سائٹ ٹوئٹر پر جاری اپنے پیغام میں انہوں نے وفاقی وزیر مفتاح اسماعیل کی حالیہ پریس کانفرنس کے ردعمل میں انہیں اپنی شدید تنقید کا نشانہ بنایا۔
مفتاح صاحب اپنی ناکامی چھپانے کی خاطر بہانے تلاش کر رہیں ہیں۔ معیشت ایسے غیر سنجیدہ اور ہلکے بیانات سے نہیں چلتی۔ معاملات اگر سنبھل نہیں رہے تو اقتدار پہ مسلط رہنے کی بجائے فوراً انتخابات کروائیں۔
آج ان کے جعلی پروپوگینڈے کو expose کروں گا۔ #امپورٹڈ_حکومت_نامنظور— Hammad Azhar (@Hammad_Azhar) May 5, 2022
حماداظہر نے کہا کہ مفتاح صاحب اپنی ناکامی چھپانے کی خاطر بہانے تلاش کر رہے ہیں، معیشت ایسے غیرسنجیدہ اور ہلکے پھلکے بیانات سے نہیں چلتی۔؛
ان کا مزید کہنا تھا کہ اگر آپ سے معاملات سنبھل نہیں رہے تو قوم پر مسلط رہنے کی بجائے عام انتخابات کروائیں، میں آج ان کے جعلی پروپیگنڈے کو بے نقاب کروں گا۔
