پی ٹی آئی رہنما حماد اظہر نے ملک کی موجودہ صورتحال پر کہا ہے کہ پی ڈی ایم کا اب اقتدار سے چمٹے رہنا پاکستان کے مفاد کے شدید خلاف ہے۔
پاکستان تحریک انصاف کے رہنما حماد اظہر نے ملک کی موجودہ سیاسی اور معاشی صورتحال پر تشویش کا اظہار کیا ہے اور سماجی رابطوں کی ویب سائٹ ٹوئٹڑ پر اس حوالے سے اظہار خیال کیا ہے۔
حماد اظہر نے اپنے ٹوئٹ میں لکھا ہے کہ پی ڈی ایم کی حکومت نے ملک کو تباہ کرنے میں کوئی کسر اٹھا نہیں رکھ رہی۔ نام نہاد تجربہ کاروں نے ملک کو دیوالیہ پن کے دہانے پر لا کھڑا کر دیا۔
پی ٹی آئی رہنما نے مزید لکھا ہے کہ پی ڈی ایم حکومت نے معاشی تباہی کو جنم دیا ہے۔ اب اس تباہی سے نمٹنے کی ان کے پاس اہلیت نہیں۔ عالمی اور مقامی منڈیوں کو پی ڈی ایم حکومت پر اعتماد نہیں ہے۔
حماد اظہر نے مزید لکھا ہے کہ دوست ممالک بھی وفاقی حکومت کو مصنوعی اور عارضی سمجھتے ہیں۔ اس وقت ان کا اقتدار سے چمٹے رہنا پاکستان کے مفاد کے شدید خلاف ہے۔
پی ڈی ایم حکومت نے معاشی تباہی کو جنم دیا ہے۔ اب اس تباہی سے نپٹنے کی ان کے پاس اہلیت نہیں۔ عالمی اور مقامی منڈیوں کو پی ڈی ایم حکومت پر اعتماد نہیں۔ دوست ممالک بھی وفاقی حکومت کو مصنوعی اور عارضی سمجھتے ہیں۔ اقتدار سے اس وقت انن کا چمٹے رہنا پاکستان کے مفاد کے شدید خلاف ہے۔
— Hammad Azhar (@Hammad_Azhar) July 30, 2022
دوسری جانب پی ٹی آئی رہنما نے اپنے ایک بیان میں سبطین خان کو اسپیکر اور واثق قیوم کا ڈپٹی اسپیکر منتخب ہونا بڑی کامیابی قرار دیتے ہوئے کہا ہے کہ پنجاب اسمبلی میں عمران خان کے بیانیے کی جیت ہوئی ہے۔
