The news is by your side.

Advertisement

تحریک انصاف کے رہنما حماد اظہر کا ای میل اور ٹویٹر اکاؤنٹ ہیک کر لیا گیا

اسلام آباد : پاکستان تحریک انصاف کے رہنما حماد اظہر کا ای میل اور ٹویٹر اکاؤنٹس ہیک کر لیا گیا ، فواد چوہدری نے کہا اکاؤنٹ کی بحالی تک ان اکاؤنٹس کو نظرانداز کر دیں۔

تفصیلات کے مطابق سابق وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر اپنے بیان میں بتایا کہ کہ پی ٹی آئی رہنما حماد اظہر کے ای میل اور ٹویٹر اکاؤنٹ ہیک کر لیے گئے ہیں، لہذاٰ اکاؤنٹ کی بحالی تک ان اکاؤنٹس کو نظرانداز کر دیں۔

فواد چوہدری کی جانب سے ہیکنگ کے اعلان کے بعد سابق وزیر توانائی کے ٹوئٹر اکاونٹ پپر کوئی غیر معمولی سرگرمی دیکھنے میں نہیں آئی اور حماد اظہر کے اکاؤنٹ سے پوسٹ کیا گیا آخری پیغام مسلم لیگ (ن) کی رہنما مریم نواز کی تقریر تھی، جس میں وہ پیٹرول کی قیمتوں میں گزشتہ اضافے پر تنقید کر رہی ہیں۔

خیال رہے یہ پہلا موقع نہیں جب پاکستان میں اکاؤنٹس ہیکنگ کیا گیا ہوا، اس سے قبل حال ہی میں پنجاب پولیس کا آفیشل ٹوئٹر اکاؤنٹ ہیک کیا گیا تھا۔

Comments

یہ بھی پڑھیں