The news is by your side.

Advertisement

حمزہ علی عباسی کا ’گوگو کی مما‘ کیلیے محبت بھرا پیغام

شوبز انڈسٹری کے معروف اداکار حمزہ علی عباسی نے اہلیہ نیمل خاور عباسی کے لیے محبت بھرا پیغام شیئر کردیا۔

پاکستانی اداکار حمزہ عباسی نے اپنی اہلیہ اور اداکارہ نیمل خاور کے لیے فوٹو اور ویڈیو شیئرنگ ایپ انسٹاگرام پر ایک پیغام جاری کیا جس میں انہوں نے اپنے دل کی بات پہلی بار سب کے سامنے رکھی اور بتایا کہ ان کہ اہلیہ ان کے لیے کتنی خاص ہے۔

حمزہ نے لکھا کہ آپ میری زندگی کا پیار ہو،میں بہت خوش قسمت ہوں کہ آپ مجھے میری اہلیہ کی صورت میں ملی۔میری بہترین دوست میرے گوگو کی مما۔‘

انہوں نے مزید کہا کہ ’میں اللہ کا بہت شکر گزار ہوں کہ اللہ نے آپ کومجھے ایک تحفے کی صورت میں دیا، میں امید کرتا ہوں کہ ناصرف اس دنیا میں بلکہ اگلے جہاں بھی آپ میرے ساتھ ہی ہوں۔‘

یاد رہے کہ اداکار حمزہ عباسی اور نیمل خاور2019ء میں شادی کے بندھن میں بندھے تھے اب ان کا ایک بیٹا بھی ہے۔

واضح رہے کہ نیمل خاور بھی سوشل میڈیا پر کافی متحرک رہتی ہیں اور بیٹے کے ساتھ اکثر تصاویر اور ویڈیو شیئر کرتی رہتی ہیں جنہیں ان کے مداحوں کی جانب سے بھی خوب سراہا جاتا ہے۔

Comments

یہ بھی پڑھیں