اسلام آباد: اداکار حمزہ علی عباسی نے اپنے بیٹے محمد مصطفیٰ عباسی کی پہلی تصویر شیئر کی ہے۔
پاکستانی اداکار حمزہ علی عباسی نے سوشل میڈیا ویب سائٹ انسٹاگرام پر اپنے نومولود بیٹے کی تصویر مداحوں کے ساتھ شیئر کی ہے۔
اداکار نے انسٹاگرام پر بیٹے کی تصویر شیئر کرتے ہوئے نام محمد مصطفیٰ عباسی لکھا اور ساتھ محبت کا اظہار کرتے ہوئے لال دل والا ایموجی بھی استعمال کیا۔
حمزہ علی عباسی کی اہلیہ نیمل نے اپنے انسٹاگرام اکاؤنٹ پر بچے کے ہاتھ کے ساتھ اپنے ہاتھ کی تصویر شیئر کرتے ہوئے بتایا تھا کہ ان کے ہاں بیٹے کی پیدائش 30 جولائی کو ہوئی تھی۔
یاد رہے کہ ڈرامہ اور فلم انڈسٹری کے معروف اداکار حمزہ علی عباسی اور اداکارہ نیمل خاور 25 اگست کو رشتہ ازواج میں منسلک ہوئے تھے اور نکاح کی تقریب انتہائی سادگی سے رکھی گئی تھی، ان کے اس اقدام کو سوشل میڈیا پر خوب سراہا گیا تھا۔
