اسلام آباد : ڈپٹی اسپیکر پنجاب اسمبلی کی رولنگ کیس میں حمزہ شہباز اور دوست مزاری نے نظرثانی درخواستیں دائر کرنے کا فیصلہ کرلیا۔
تفصیلات کے مطابق سپریم کورٹ کے ڈپٹی اسپیکر پنجاب اسمبلی کی رولنگ سے متعلق فیصلے پر سابق وزیر اعلیٰ پنجاب حمزہ شہباز اور دوست مزاری کی نظر ثانی درخواستیں تیار کرلیں۔
ذرائع نے کہا ہے کہ سابق ڈپٹی اسپیکردوست مزاری کے وکیل عرفان قادر نے تصدیق کرتے ہوئے کہا ڈپٹی اسپیکر رولنگ اور فل کورٹ کی استدعا مسترد کرنے کیخلاف نظرثانی تیار کرلی۔
عرفان قادرایڈووکیٹ کا کہنا تھا کہ گرین سگنل ملنےپردرخواست دائرکی جائےگی، نظر ثانی درخواستیں آئندہ ہفتے دائر کیے جانے کا امکان ہے۔
یاد رہے سپریم کورٹ نے ڈپٹی اسپیکر رولنگ کیس میں حکومتی اتحاد کی فل کورٹ بنانے کی درخواست مسترد کردی تھی۔
سپریم کورٹ نے ڈپٹی اسپیکر پنجاب اسمبلی دوست مزاری رولنگ کیس میں ڈپٹی اسپیکر کی رولنگ کالعدم قرار دیتے ہوئے پرویز الہی کو وزیراعلیٰ پنجاب قرار دیا تھا ، جس کے بعد حمزہ شہباز وزیراعلیٰ نہیں رہے تھے۔
