لاہور : اپوزیشن لیڈر پنجاب اسمبلی حمزہ شہباز نے کہا عیدپرقوم کوریلیف دینےکےبجائےخوشیاں چھین لی گئی، پیٹرولیم کی قیمتوں میں اضافے سے مہنگائی کا سونامی بڑھےگا، قیمتوں میں اضافہ سے ظاہر ہے ملک پرمعاشی دہشت گرد مسلط ہیں۔
تفصیلات کے مطابق اپوزیشن لیڈر پنجاب اسمبلی حمزہ شہباز نے پیٹرولیم مصنوعات کی قیمتوں میں اضافے کی مذمت کرتے ہوئے کہا عیدپرقوم کوریلیف دینے کے بجائے خوشیاں چھین لی گئیں، قیمتوں میں اضافہ سے ظاہر ہے ملک پرمعاشی دہشت گرد مسلط ہیں۔
حمزہ شہباز کا کہنا تھا ریلیف کے نام پر قوم کو دیاگیادھوکابےنقاب ہورہاہے، پیٹرولیم کی قیمتوں میں اضافے سے مہنگائی کا سونامی بڑھےگا۔
مزید پڑھیں : پیٹرول کی قیمت میں 4 روپے 26 پیسے کا اضافہ کر دیا گیا
یاد رہے حکومت نےعیدسےپہلےپٹرولیم مصنوعات کی قیمتوں میں اضافہ کردیا ہے ، پٹرول کی قیمت میں چارروپےچھبیس پیسےکااضافہ کیا گیا، جس کے بعد پیٹرول کی نئی قیمت ایک سو بارہ روپےاڑسٹھ پیسے فی لیٹر ہوگئی۔
وزارت خزانہ کے مطابق اوگرا نے ڈیزل کی قیمت میں آٹھ روپےننانوئے پیسے اضافے کی تجویز دی تھی، لیکن اضافہ چارروپے پچاس پیسے کیاگیا جبکہ مٹی کےتیل کی قیمت میں ایک روپے انہتر پیسے اورلائٹ ڈیزل کی قیمت میں ایک روپےاڑسٹھ پیسے فی لیٹراضافہ کیاگیاہے۔
ڈیزل کی نئی قیمت ایک چھبیس روپے بیاسی پیسے، مٹی کے تیل کی قیمت اٹھانوے روپے چھیالیس پیسے اور لائٹ ڈیزل اٹھاسی روپےباسٹھ پیسے فی لیٹرہوگئی۔
