لاہور: آمدن سے زائد اثاثوں کے کیس میں اپوزیشن لیڈر پنجاب حمزہ شہباز نیب میں پیش نہیں ہوئے.
تفصیلات کے مطابق آج نیب نے حمزہ شہباز اور سلمان شہباز کو تفتیش کے لیے طلب کیا تھا، مگر وہ نیب کے سامنے پیش نہیں ہوئے.
اس ضمن میں حمزہ شہباز کا موقف تھا کہ وہ شہر کے حالات کی وجہ سے نیب میں پیش نہیں ہوسکے.
حمزہ شہباز کا موقف تھا کہ وہ شہر کے حالات کی وجہ سے نیب میں پیش نہیں ہوسکے
اب نیب کی جانب سے حمزہ شہباز اور سلمان شہبازکو دوبارہ طلبی کا نوٹس جاری کیا جائے گا.
یاد رہے کہ نیب کی جانب سے دونوں بھائیوں کو 30 اکتوبر کو بھی طلب کیا گیا تھا، مگر حمزہ شہباز، سلمان شہباز نیب ٹیم کے سامنے پیش نہیں ہوئے۔
دونوں بھائیوں پر سرکاری خزانے کے غیر قانونی استعمال کا الزام ہے۔
نیب نے حمزہ شہباز اور سلمان شہباز کو کل طلب کر لیا
واضح رہے کہ اس وقت ملک بھر میں احتجاج اور دھرنوں کا سلسلہ ہے، جس کی وجہ سے معمولات زندگی شدید متاثر ہوئے ہیں. کئی اہم شاہ راہیں بند ہیں.
حمزہ شہباز نے موقف اختیار کیا کہ وہ شہر کی صورت حال کی وجہ سے نیب کے سامنے پیش نہیں آئے.
یاد رہے کہ حمزہ شہباز کے والد اور سابق وزیراعلیٰ پنجاب شہباز شریف اس وقت نیب کی حراست میں ہیں.
