لندن : سابق وزیراعلیٰ پنجاب حمزہ شہباز لندن پہنچ گئے، جہاں وہ نواز شریف اور مریم نواز کو پنجاب کی سیاسی صورتحال پر بریف کریں گے۔
تفصیلات کے مطابق سابق وزیراعلیٰ پنجاب حمزہ شہباز لندن پہنچ گئے،جہاں وہ مسلم لیگ ن کے قائد نواز شریف اور نائب صدر مریم نواز سے ملاقات کریں گے ، ملاقات میں پنجاب کی سیاسی صورتحال پر بریف کریں گے۔
یاد رہے مسلم لیگ ن کے قائد نواز شریف نے حمزہ شہباز پنجاب اسمبلی بچانے کا ٹاسک دیا تھا۔
- Advertisement -
ذرائع نے بتایا تھا کہ ن لیگ نے ارکان پنجاب اسمبلی سے تحریک عدم اعتماد پر دستخط کرالئے، ضرورت پڑنے پر وزیراعلیٰ پنجاب پرویز الہٰی کے خلاف تحریک عدم اعتماد جمع کروا دی۔
ذرائع کا کہنا تھا کہ تحریک عدم اعتماد کا مقصد پنجاب اسمبلی کوتحلیل کرنے سے روکنا ہے۔
