جلال پور : مسلم لیگ نواز کے رہنما حمزہ شہبازشریف نے دعوٰی کیا ہے کہ عمران خان کنٹینرپرچڑھ کرلوگوں کی عزتیں اچھالتے رہے۔ یہ بات انہوں نے جلال پور میں مسلم لیگ ن کے زیر اہتمام معقدہ عوامی جلسے سے خطاب میں کہی۔
تفصیلات کے مطابق نواز لیگ نے جلال پور میں عوامی طاقت کا مظاہرہ کیا۔ انتخابی جلسے سے خطاب کرتے ہوئے حمزہ شہباز نے ایک بار پھرلوڈشیڈنگ کے خاتمےکی تاریخ کااعلان کیا۔
حمزہ شہباز نے عمران خان کو آڑے ہاتھوں لیتے ہوئے کہا کہ عمران خان کنٹینر پر چڑھ کر لوگوں کی عزتیں اچھالتے رہے ۔
رہنما مسلم لیگ نے عمران خان کو مخاطب کرتے ہوئے کہا کہ تم طالبان کے دفتر کھولنے کی بات کرتے ہو۔ان ماؤں سے پوچھو جن کے بچے دہشت گردی کا شکار ہوگئے۔
حمزہ شہباز کے خطاب کے بعد مظاہرین نے شدید بدنظمی کا مظاہرہ کیا کرسیوں پر چڑھ کر ناچتے رہے اور وہاں موجود بچے خاردار تاروں سے الجھتے رہے۔
