لاہور : اپوزیشن لیڈر پنجاب حمزہ شہباز شریف نے وزیراعلیٰ کے اعتماد کے ووٹ پر کہا ہے کہ بدترین دھاندلی کیخلاف آئینی اور قانونی آپشن استعمال کئے جائیں گے۔
تفصیلات کے مطابق وزیراعلیٰ کے اعتماد کے ووٹ پر اپوزیشن لیڈر پنجاب حمزہ شہباز شریف نے بیان میں کہا ہے کہ رات پنجاب اسمبلی کی تاریخ کا بدترین واقعہ ہوا،جھرلو اور ہیرا پھیری کر کےاعتماد کے ووٹ کا تقدس پامال کیا گیا ہے۔
حمزہ شہباز کا کہنا تھا کہ پولنگ ایجنٹ مقرر نہ کر کے حکومت نے بدنیتی اور بد دیانتی ثابت کر دی ، رات کے اندھیرے میں اسمبلی قوائد اور آئین پر شب خون مارا گیا ہے۔
- Advertisement -
اپوزیشن لیڈر پنجاب نے کہا کہ دھوکے سے اسمبلی کارروائی شروع کر کے جعلی گنتی کی گئی، بدترین دھاندلی کیخلاف آئینی اور قانونی آپشن استعمال کئے جائیں گے۔
