پاکستان شوبز انڈسٹری کی معروف اداکارہ ہانیہ عامر کی نازیبا ڈیپ فیک ویڈیوز بنانے کر وائرل کرنے والا بھارتی نکلا۔
گزشتہ دنوں پاکستان کی معروف اداکارہ ہانیہ عامر کی ڈیپ فیک ویڈیو سوشل میڈیا پر وائرل ہوئی تھیں، مذکورہ ویڈیوز آرٹیفیشل انٹیلیجنس (اے آئی) کی مدد سے تیار کی گئی تھیں، ویڈیو میں نظر آنے والی لڑکی کا چہرہ ہانیہ عامر سے ملتا جُلتا تھا۔
View this post on Instagram
نازیبا ویڈیوز کی خبر جیسے ہی سوشل میڈیا پر وائرل ہوئی تو ہانیہ عامر نے اپنی انسٹاگرام اسٹوری میں واضح کیا کہ مذکورہ ویڈیوز اُن کی نہیں بلکہ جعلی ہیں۔
تاہم اب وضاحتی بیان کے بعد اداکارہ ہانیہ عامر نے وہ انسٹا گرام اکاؤنٹ بھی ڈھونڈ نکالا جو اداکارہ کی ڈیپ فیک ویڈیوز بناکر شیئر کررہا تھا۔
ہانیہ عامر نے اپنے آفیشل انسٹاگرام ہینڈل کی اسٹوری میں ’انوریت سندھو‘ نامی انسٹاگرام اکاؤنٹ کا اسکرین شاٹ شیئر کیا یہ اکاؤنٹ بھارتی شہری کی جانب سے بنایا گیا۔
اس اکاؤنٹ کے فالوورز کی تعداد 22 ہزار 400 تھی، مذکورہ بھارتی اکاؤنٹ پر 100 سے زائد پوسٹس کی گئیں جن میں زیادہ تر ہانیہ عامر کی ہی ڈیپ فیک ویڈیوز شامل تھیں۔
اداکارہ نے اپنی انسٹاگرام اسٹوری میں مداحوں سے مخاطب ہوتے ہوئے کہا کہ مجھے تو اس اکاؤنٹ نے بلاک کردیا ہے لیکن کیا آپ سب اس جعلی اکاؤنٹ کو رپورٹ کرسکتے ہیں؟
اداکارہ اور اُن کے مداحوں کے فوری ایکشن پر بھارتی صارف نے اپنے اکاؤنٹ کا نام تبدیل کرکے ’کور سندھو‘ کیا، بھارتی صارف نے متعدد بار رپورٹ کیے جانے کے بعد اکاؤنٹ سے محروم ہونے سے پچنے کے لیے اس اکاؤنٹ کا نام ایک بار پھر تبدیل کرکے ’سندھو کور‘ کیا۔
اداکارہ کی نشاندہی پر جہاں بھارتی صارف کے جعلی اکاؤنٹ کی تصدیق ہوئی تو وہیں اس صارف نے اب اپنے اکاؤنٹ سے ہانیہ کی تمام ڈیپ فیک ویڈیوز ڈیلیٹ کردی ہیں۔
