جمعہ, جون 21, 2024
اشتہار

بادشاہ سے دوستی: ہانیہ عامر نے بالآخر خاموشی توڑ دی

اشتہار

حیرت انگیز

پاکستان کی معروف اداکارہ ہانیہ عامر نے پہلی مرتبہ بھارتی گلوکار بادشاہ سے دوستی اور تعلقات پر بول پڑیں۔

اداکارہ ہانیہ عامر نے حال ہی میں بی بی سی ایشین نیٹ ورک کو انٹرویو دیا جہاں انہوں نے اپنی پیشہ ورانہ زندگی کے علاوہ بادشاہ کیساتھ دوستی پر بھی بات کی۔

انٹرویو کے دوران میزبان نے اداکارہ سے بادشاہ سے دوستی اور تعلقات سے متعلق سوال کیا تو اداکارہ نے کہا کہ یہ میرا ذاتی مسئلہ ہے لیکن میزبان نے انہیں یاد دلایا کہ وہ اور بادشاہ اپنی اداکاری و گلوکاری کی وجہ سے عوامی شخصیت ہیں۔

- Advertisement -

جس کے بعد ہانیہ عامر نے کہا کہ پہلی بار بادشاہ نے انسٹاگرام ریل پر کمنٹ کیا تھا، اس کمنٹ کے بعد میں نے بھارتی گلوکار کو ڈائریکٹ میسیج (ڈی ایم) بھیجا اور ان سے دعا سلام کی، جس کے بعد ان کے درمیان دوستی ہوگئی۔

ہانیہ عامر نے کہا کہ بادشاہ کے ساتھ اچھی دوستی ہے، لیکن سوشل میڈیا پر ہماری تعلقات کی خبریں میں کوئی سچائی نہیں ہے، لوگوں کے اس طرح کے کمنٹ دیکھ کر افسوس ہوتا ہے، میں شادی شدہ بھی نہیں ہوں اس لیے ہمیشہ میرے تعلقات سے متعلق افواہیں اور خبریں پھیلائی جاتی ہیں۔

واضح رہے کہ ہانیہ عامر اور بادشاہ کے درمیان متحدہ عرب امارات (یو اے ای) میں ملاقاتوں کی ویڈیوز اور تصاویر پہلی مرتبہ دسمبر 2023 میں وائرل ہوئی تھیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں