مقبولیت کی اگر بات کی جائے تو شوبز انڈسٹری کی خوبرو اداکارہ عائزہ خان کو ہانیہ عامر نے سخت ٹکر دے کر ان کے لئے خطرے کی گھنٹی بجادی ہے۔
پاکستان کے مشہور ڈراموں میں اپنی منفرد اداکاری سے شہرت کی بلندیوں پر پہنچنے والی اداکارہ عائزہ خان کو اب تک فوٹو اینڈ ویڈیو شیئرنگ ایپ انسٹاگرام پر سب سے زیادہ فالوورز کی حامل اداکارہ ہونے کا اعزاز حاصل تھا۔
عائزہ خان کے موجودہ انسٹاگرام فالوورز کی تعداد 13 اعشاریہ 9 ملین ہے جس میں ہر گزرتے دن کے ساتھ اضافہ ہورہا ہے، اس کی خاص وجہ عائزہ خان کا سوشل میڈیا پلیٹ فارم انسٹاگرام پر متحرک رہنا ہے۔
اداکارہ مختلف برانڈ فوٹوشوٹس، اپنے پراجیکٹس کی ان دیکھی تصاویر، ٹیزر اور ٹریلر کے علاوہ اپنی ذاتی زندگی سے متعلق بھی خوب پوسٹس شیئر کرتی رہتی ہیں، جسے ان کے چاہنے والوں کی جانب سے پذیرائی ملتی ہے۔
مگر اب ہانیہ عامر نے عائزہ خان کے لئے خطرے کی گھنٹی بجادی ہے، انہوں نے بڑی چھلانگ مارتے ہوئے ایک ہی ماہ میں تقریباً 40 لاکھ نئے فالوورز حاصل کرلئے ہیں اور 13 اعشاریہ 9 ملین فالوورز کیساتھ عائزہ خان کے برابر پہنچ گئی ہیں۔
اس وقت دونوں کے فالوورز کا موازنہ کیا جائے تو عائزہ خان اور ہانیہ عامر کے فالوورز کی تعداد میں تقریباً 89 ہزار 477 کا غیر معمولی فرق ہے۔
ہانیہ عامر کی جانب سے شیئر کیا گیا کانٹینٹ ناصرف پاکستان بلکہ بھارتی صارفین بھی خوب پسند کرتے ہیں اور بھارتی شوبز ستارے بھی ہانیہ عامر کی پوسٹس پر اکثر و بیشتر کمنٹس کرکے اپنی رائے دیتے ہیں۔
