معروف پاکستانی اداکارہ ہانیہ عامر کی ایک اور ویڈیو وائرل ہوگئی جس میں بھارتی گانے پر اپنے دوست کے ہمراہ رقص کرتی نظر آرہی ہیں۔
شوخ و چنچل اداکارہ ہانیہ عامر کی اکثر و بیشتر کوئی نہ کوئی تصویر یا ویڈیو وائرل ہوتی رہتی ہے جس کی وجہ سے وہ خبروں کی زینت بن جاتی ہیں۔ اس سے قبل ان کی بھارتی گلوکار بادشاہ کے ساتھ بھی تصاویر وائرل ہوئی تھیں۔
اس بار ہانیہ کی جو ویڈیو منظر عام پر آئی ہے اس میں وہ اپنے دوست موسیقار نایل وجاہت سمیت دیگر کے ہمراہ بھارتی گانے ’بجلی بجلی‘ پر رقص کرتی نظر آرہی ہیں۔
’بجلی بجلی‘ نامی پنجابی گانا ہارڈی سندھو، بی پراک اور پلک تواری نے دو سال قبل ریلیز کیا تھا جو کہ کافی مقبول ہوا تھا۔
بھارتی گانے پر دوستوں کے ہمراہ ڈانس کی ویڈیو وائرل ہونے پر صارفین نے اداکارہ کو آڑے ہاتھوں لیا ہے اور کمنٹس میں انھیں تنقید کا نشانہ بنایا ہے۔
View this post on Instagram
بیشتر لوگوں نے مذکورہ گانے اور اس پر کیے گئے ڈانس کو زہریلا قرار دیا، تاہم بعض لوگوں نے اداکارہ کے رقص کی تعریفیں بھی کیں۔
ایک شخص نے ویڈیو پر تبصرہ کرتے ہوئے لکھا کہ وہ اس ویڈیو میں ہانیہ عامر کا ڈانس تلاش کر رہے ہیں، وہ کہاں ہے؟ جبکہ بعض صارفین نے اسے سستی شہرت حاصل کرنے کا طریقہ قرار دیا۔
