The news is by your side.

Advertisement

حنیف عباسی کواڈیالہ سے اٹک جیل منتقل کر دیا گیا

راولپنڈی : ایفی ڈرین کیس میں سزا یافتہ مسلم لیگ ن کے رہنما حنیف عباسی کو اڈیالہ سے اٹک جیل منتقل کردیا گیا۔

تفصیلات کے مطابق اڈیالہ جیل سے تصویر وائرل ہونے کے معاملے پر مسلم لیگ ن کے رہنما حنیف عباسی کو اٹک جیل منتقل کردیا گیا۔

سابق رکن قومی اسمبلی حنیف عباسی کو ڈی آئی جی راولپنڈی ریجن کی ہدایت پر منتقل کیا گیا۔

اسلام آباد ہائی کورٹ نے 19 ستمبرکو ایون فیلڈ ریفرنس میں سزا یافتہ سابق وزیراعظم نوازشریف، ان کی بیٹی مریم نواز اور داماد کیپٹن صفدر کی سزا معطل کرکے انہیں رہا کرنے کا حکم دیا تھا۔

سابق وزیراعظم کی رہائی کے موقع پرجیل سپرنٹنڈنٹ کے دفتر سے نوازشریف ، شہبازشریف اور دیگر لیگی رہنماؤں کے ساتھ حنیف عباسی کی تصویر سوشل میڈیا پروائرل ہوئی تھی۔

حنیف عباسی کی تصویر سوشل میڈیا پروائرل ہونے کے بعد پنجاب حکومت کی جانب سے تحقیقات کا آغاز کیا گیا تھا اور ڈی آئی جی جیل خانہ جات ملک شوکت فیروز اور اے آئی جی ملک سرفراز نواز پرمشتمل تحقیقاتی کمیٹی تشکیل دی گئی تھی۔

بعدازاں انکوائری کمیٹی کی تجویز پرحنیف عباسی کو اڈیالہ جیل سے اٹک جیل منتقل کرنے کا فیصلہ کیا گیا تھا۔

ایفی ڈرین کوٹہ کیس، حنیف عباسی کو عمر قید کی سزا

واضح رہے کہ حنیف عباسی کو 21 جولائی کو ایفی ڈرین کیس میں عمر قید کی سزا سنائی گئی تھی جس کے بعد سے وہ اڈیالہ جیل میں قید تھے۔

Comments

comments

یہ بھی پڑھیں