بھارتی ٹی وی اداکارہ مسکان نینسی جیمز نے اپنی نند اور بالی ووڈ اداکارہ ہنسیکا موٹوانی اور انکی فیملی کے خلاف گھریلو تشدد اور دھوکہ دہی کا الزام لگاتے ہوئے ایف آئی آر درج کرائی ہے۔
بھارتی میڈیا کے مطابق معروف بھارتی گلوکار ہمیش ریمشیا کے ساتھ فلم ’آپ کا سُرور‘ میں مرکزی کردار ادا کرنے والی اداکارہ ہنسیکا موٹوانی کیخلاف ان کی بھابھی نے مقدمہ درج کروایا ہے۔
View this post on Instagram
بھارتی میڈیا کے مطابق مسکان نینسی نے امبولی پولیس اسٹیشن میں اپنی سابقہ سسرالیوں، نند ہنسیکا موٹوانی ان کی والدہ اور بھائی کیخلاف مقدمہ درج کروایا ہے۔
رپورٹ کے مطابق مسکان نینسی نے 2020 میں ہنسیکا موٹوانی کے بھائی سے شادی کی تھی، تاہم دو سال بعد ان دونوں میں علیحدگی ہوگئی۔
View this post on Instagram
بھارتی میڈیا کے مطابق مقدمے میں مسکان نے الزام عائد کیا ہے کہ شادی کے بعد ان کی ساس اور نند ان کی ذاتی زندگی میں مداخلت کرتی تھیں، جس کے نتیجے میں شوہر انہیں تشدد کا نشانہ بناتا تھا اور یہی انکی طلاق کی وجہ بنی۔
مسکان نینسی کا کہنا ہے کہ ساس اور نند نے مہنگے تحائف اور پیسوں کی بار بار ڈیمانڈ کی، اور انکار پر انہیں ذہنی طور پر ہراساں کیا گیا، ان حالات کے باعث وہ شدید ڈپریشن کا شکار ہوگئیں اور انہیں لقوے کی بیماری لاحق ہوگئی۔
پولیس نے اداکارہ ہنسیکا موٹوانی اور ان کے گھر والوں کیخلاف مقدمہ درج کر کے تحقیقات کا آغاز کر دیا ہے۔
