The news is by your side.

Advertisement

شیشے کے اس جار میں خوشی کا کون سا رازچھپا ہے؟

آج کل کی مصروف زندگی میں لوگ خوشی کی تلاش میں سرگرداں نظر آتے ہیں، حال ہی میں ایک خاتون نے خوشی حاصل کرنے کا نہایت انوکھا راز بتایا ہے جو سوشل میڈیا پر نہایت وائرل ہورہا ہے۔

دبئی میں رہنے والی برطانوی خاتون اسٹیسی فیل نے سماجی رابطے کی ویب سائٹ انسٹاگرام پر ایک جار کی تصویر پوسٹ کی، جار میں کاغذ کے چھوٹے چھوٹے پرزے دکھائی دے رہے ہیں۔

اسٹیسی کے مطابق اس جار میں موجود کاغذ گزشتہ 5 سال کے اندر اس میں جمع کیے گئے ہیں۔ انہوں نے اس جار کو ہیپی نیس جار یعنی خوشی کا جار قرار دیا۔

 

View this post on Instagram

 

HAPPINESS JAR 2019 🥰🥰 2019 was the 5th year I have done my ‘happiness jar’ and I encourage everyone to do it-it’s such a heart warming and positive look back at the previous year. So what is the Happiness Jar? A jar I fill with scraps of paper throughout the year with ANYTHING that made me happy in that moment, big or small-it could be a compliment, an amazing meal, an achievement, a beautiful sunset, a time you laughed so much you thought you might pee yourself, a holiday, something that happened to a friend that was amazing, literally ANYTHING-it’s YOUR happiness. On New Years Day I always tip out the jar and re-read all the memories and then start again all over again. It’s my New Year tradition. Give it a go ❤️❤️ #happinessjar #happinessproject #newyear #newyearsresolutions #capturethemoment #reflection #creativeideas #findyourhappiness #masonjar #thelittlethings #makeithappen

A post shared by Stacey Fell (@staceygetsbackup) on

انہوں نے بتایا کہ گزشتہ 5 سال میں ان کی زندگی میں بے شمار ایسے چھوٹے بڑے لمحات آئے جو ان کے لیے بہت خوش کردینے والے تھے۔

جیسے کسی نے ان کی تعریف کی، انہوں نے کوئی نئی ذائقہ دار ڈش آزمائی، انہیں کوئی کامیابی حاصل ہوئی، دوستوں کے ساتھ گزارا گیا کوئی گھنٹہ، ساحل سمندر پر کوئی خوبصورت غروب آفتاب، غرض ان سارے لمحات نے انہیں خوشی بخشی اور وہ انہیں لکھ لکھ کر اس جار میں محفوظ کرتی رہیں۔

اسٹیسی کہتی ہیں ہر نئے سال کے پہلے دن وہ اس جار کو کھولتی ہیں اور ان تمام پرزوں پر لکھی تحریریں پڑھتی ہیں۔

اس سے ایک تو ان کی ساری خوبصورت یادیں تازہ ہوجاتی ہیں اور ان کے نئے سال کا پہلا دن خوشگوار ترین ہوجاتا ہے، تو وہیں ان کے اندر اگلے سال کے لیے بہت سی امیدیں اور مثبت خیالات جنم لیتے ہیں۔

اسٹیسی نے اپنے فالوورز کو کہا کہ وہ بھی اس طریقے پر عمل کریں اور اپنی خوشی کا راز اس جار میں بند کرلیں جسے وہ جب چاہے کھول کر خوشی حاصل کرسکیں۔

اسٹیسی کی اس پوسٹ کو بہت پسند کیا گیا اور کئی فالوورز نے بھی اس پر عمل کرنے کا ارادہ ظاہر کیا۔

fb-share-icon0
Tweet 20

Comments

comments

یہ بھی پڑھیں