The news is by your side.

Advertisement

’’بابر اعظم زخمی ہوئے تو میں بہت خوش تھا‘‘

لندن: انگلش کرکٹ ٹیم کے آف اسپنر ڈوم بیس نے انکشاف کیا ہے کہ لارڈز ٹیسٹ میچ کے دوران بابر اعظم زخمی ہوئے تو میں بہت خوش تھا۔

تفصیلات کے مطابق انگلش کرکٹ ٹیم کے آف اسپنر نے اسکائی اسپورٹس سے گفتگو کرتے ہوئے کہا کہ 2018 میں لارڈز ٹیسٹ میچ میں بابر اعظم میرے ڈیبیو میچ میں انجرڈ ہوگئے تھے جس مجھے بہت خوشی ہوئی تھی۔

ڈوم بیس نے کہا کہ بابر اعظم کے الٹے بازو پر فاسٹ بولر کی گیند لگی اور وہ زخمی ہوگئے تھے، مذکورہ میچ میں پاکستان نے 20.4 اوورز میں 88 رنز بنائے تھے۔

آف اسپنر کا کہنا تھا کہ بابر اعظم کے بازو پر بین اسٹوکس کی گیند لگی تھی اور وہ اس وقت 68 رنز پر بیٹنگ کررہے تھے۔

ان کا کہنا تھا کہ ہمارے پاس سمرسیٹ میں اظہر علی موجود تھے۔ بیس نے کہا کہ اس نے میرے ٹیسٹ میچ سے پہلے مجھ سے بات کی اور کہا کہ وہ میرے پیچھ ےجانے کی کوشش کررہے ہیں، جب بابر انجرڈ ہوئے اس وقت مجھے بہت خوشی ہوئی کیونکہ اسے پچھلے سال ٹاؤنٹن میں دیکھنے کے بعد سب اس سے خوفزدہ تھے لہٰذا مجھے شاید 150 رنز پڑ جاتے۔

سابق انگلینڈ آف اسپنر گریم سووان نے کہا کہ پاکستان کے بلے باز بھی بابر کے پیچھے پیچھے چلے گئے اور اس عمل میں اپنی وکٹیں گنوا دیں۔

واضح رہے کہ پاکستان نے لارڈز ٹیسٹ میچ 9 وکٹوں سے جیت لیا تھا، میچ میں 8 وکٹیں حاصل کرنے پر فاسٹ بولر محمد عباس کو مین آف دی میچ قرار دیا گیا تھا۔

Comments

یہ بھی پڑھیں