The news is by your side.

Advertisement

ریٹائرمنٹ کا فیصلہ: اصغر افغان نے وجہ بیان کردی

دبئی: افغانستان کرکٹ ٹیم کے سابق کپتان اصغر افغان اپنی ریٹائرمنٹ کا اعلان کرتے ہوئے چھلک پڑے۔

ایک انٹرویو میں اصغر افغان نے اپنی ریٹائرمنٹ کی وجہ بیان کرتے ہوئے کہا کہ پاکستان سے میچ میں شکست پر بہت زیادہ رنجیدہ ہوا اور یہی وجہ ہے کہ میں نے ریٹائرمنٹ کا فیصلہ کیا۔

سابق افغان کپتان کا کہنا تھا کہ یہ میرے لیے بہت مشکل فیصلہ ہے مگر اب میں یہ سمجھتا ہوں کہ مجھے ریٹائر ہونا ہے تاکہ نوجوان کھلاڑیوں کو موقع دے سکوں۔

بہت لوگو ں نے مجھ سے اس وقت ریٹائرمنٹ پر سوالات کیے مگر میں اس کی وضاحت نہیں کرسکتا، چاہتا ہوں کہ نوجوان آگے آئیں۔واضح رہے کہ ٹی ٹوئنٹی کے سپر 12 مرحلے میں پاکستان نے سنسنی خیز مقابلے کے بعد افغانستان کو شکست دی تھی، جس میں آصف علی نے ایک اوور میں چار چھکے لگا کر میچ کا پانسہ پلٹ دیا تھا۔

یہ بھی پڑھیں: میچ کے دوران افغان کرکٹر کو گارڈ آف آنر دیا گیا

تینتیس سالہ اصغر افغان نے پاکستان سے شکست کے 24گھنٹوں کے اندر ہی ریٹائرمنٹ کا اعلان کیا۔

اصغر افغان نے 114 ون ڈے، 75 ٹی ٹوئنٹی اور 6 ٹیسٹ میچ کھیلے جبکہ 115 میچز میں افغانستان کی کپتانی کی ہے جب کہ اصغر افغان کو یہ اعزاز حاصل ہے کہ ان کی کپتانی میں افغانستان سب سے زیادہ ٹی ٹوئنٹی میچز جیتے۔

Comments

یہ بھی پڑھیں