The news is by your side.

Advertisement

سعودی حکام نے حرمین ایکسپریس ٹرین کی بحالی کا اعلان کردیا

ریاض: مکہ المکرمہ اور مدینہ منورہ کے درمیان چلنے والی حرمین ایکسپریس ٹرین جسے کرونا وائرس کی وجہ سے معطل کردیا گیا تھا، ستمبر سے بحال کردی جائے گی۔

سعودی ویب سائٹ کے مطابق حرمین ایکسپریس ٹرین رواں سال ستمبر میں چلائی جائے گی اور اس کی گنجائش میں اضافہ کر کے زیادہ مسافروں کو سفر کی سہولت فراہم کی جائے گی۔

حرمین ٹرین انتظامیہ نے کہا ہے کہ مکہ مکرمہ اور مدینہ منورہ کے درمیان ٹرانسپورٹ کی گنجائش بڑھانے، آسان، آرام دہ اور تیز ترین سفری سہولیات کی فراہمی پر کام جاری ہے۔

انتظامیہ کا کہنا ہے کہ جولائی اور اگست میں حرمین ایکسپریس ٹرین کی صلاحیت، گنجائش اور اس کے معیار کو مزید بہتر بنانے کے لیے موقعے سے فائدہ اٹھایا جائے گا۔

انتظامیہ کی جانب سے کہا گیا ہے کہ اگست میں حرمین ٹرین کی بکنگ کا اعلان کیا جائے گا، ٹرین کے لیے مسافروں کو آن لائن بکنگ کی سہولت حاصل ہوگی۔

واضح رہے کہ کرونا وائرس کے بحران کے باعث جہاں ٹرانسپورٹ کے دیگر ذرائع معطل کیے گیے تھے وہاں حرمین ٹرین کو بھی معطل کردیا گیا تھا، اب اس کی بحالی ستمبر میں ہوگی۔

ٹرین سروس سے روزانہ 5 ہزار مسافروں کو سفر کی سہولت حاصل ہوگی۔ ایک سفر میں 417 مسافر ایک اسٹیشن سے دوسرے اسٹیشن کا سفر کرسکیں گے۔

مستقبل میں مکہ مکرمہ و مدینہ منورہ اور جدہ و رابغ کے درمیان ٹرینوں کی تعداد میں اضافے کا بھی امکان ہے۔

fb-share-icon0
Tweet 20

Comments

comments

یہ بھی پڑھیں