لاہور : سرگودھا کے اے ٹی سی جج کو ہراساں کرنے کا کیس میں لاہور ہائی کورٹ نے وزیراعظم سے عملدرآمدرپورٹ طلب کرلی۔
تفصیلات کے مطابق لاہور کی انسداد دہشتگردی عدالت میں سرگودھا اے ٹی سی جج کے ساتھ ناخوشگوار واقعے سے متعلق کیس پر سماعت ہوئی۔
ڈی پی او سرگودھا، ریجنل افسرمحکمہ انساد دہشت گردی اور متعلقہ اسٹیشن ہاؤس افسرنے لاہور ہائیکورٹ سے غیرمشروط معافی مانگ لی۔
جس پر عدالت نے توہین عدالت کے مرتکب پولیس افسران کوشوکازنوٹس کےجوابات دینے کی ہدایت کرتےہوئے ریمارکس دیے عدالت تحریری جوابات دیکھنے کے بعدفیصلہ کرے گی معافی دینی ہے یا نہیں۔
عدالت نے آئندہ سماعت پر وزیراعظم سے بھی عملدرآمد رپورٹ طلب کرلی، جسٹس شاہد کریم نے ریمارکس دیے میں اے ٹی سی جج کو بھی کارروائی کرنے کا کہہ دیتا ہوں۔
جسٹس شاہد کریم کا کہنا تھا کہ عدالت کے سامنے دو معاملات ہیں، ایک رٹ ہے دوسرا توہین عدالت کا معاملہ ہے، توہین عدالت کے معاملے کا کیا کرنا ہے؟ اس پر عدالتی معاون حنا حفیظ عدالت کی معاونت کریں گی۔
عدالتی معاون نے بتایا توہین عدالت کی کارروائی ہوسکتی ہے، اس عدالت کے پاس اختیارموجود ہے،بعد ازاں عدالت نے مزید سماعت اگست کے دوسرے ہفتے تک ملتوی کردی۔
