بھارت کے سابق آف اسپنر ہربھجن سنگھ نے انڈیا کے ورلڈکپ اسکواڈ میں سنجو سیمسن کی جگہ سوریا کمار یادیو کی شمولیت کی حمایت کردی۔
آئی سی سی ایونٹ کے لیے مڈل آرڈر بیٹر کے طور پر سنجو سیمسن کو منتخب کرنے کے بجائے سلیکٹرز نے سوریا کمار یادیو کو ترجیح دی ہے، اب وہ کے ایل راہول اور ایشان کشن کے ہمراہ بھارتی مڈل آرڈر میں اپنی ذمہ داریاں نبھائیں گے۔
اسٹار اسپورٹس سے گفتگو کرتے ہوئے ہربھجن سنگھ نے کہا کہ سوریا کمار یادیو بھارت کے ایک مکمل پلیئر ہیں اور انھیں 30 گیندیں کھیلنے کو مل جائیں تو وہ پوری طرح سے میچ کا نقشہ بدل دیں گے۔
سابق آف اسپنر نے مزید کہا کہ سیمسن کی جگہ سوریا کو ہی منتخب ہونا چاہیے تھا کیوں کہ وہ ایک مکمل کھلاڑی ہیں۔ مڈل اوورز میں سنجو اس طرح کی بلے بازی نہیں کرسکتے جیسا کہ سوریا کرتے ہیں۔
انھوں نے یہ بھی کہا کہ بھارت کی کرکٹ میں جو پلیئرز موجود ہیں ان میں سوریا کمار یادیو کی گیپ شاٹس کھیلنے کی صلاحیت کا کوئی ثانی نہیں۔
اس سے قبل سری لنکا میں اسکواڈ سلیکشن کے حوالے سے پریس کانفرنس کے دوران اجیت اگرکار اور کپتان روہت شرما بھی کہہ چکے ہیں کہ ہم کھلاڑیوں کی سلیکشن اور لائن اپ کے حوالے سے کلیئر تھے۔
