نئی دہلی: بھارتی اسپنر ہربھجن سنگھ نے ہر قسم کی کرکٹ سے ریٹائرمنٹ کا اعلان کر دیا۔
تفصیلات کے مطابق سابق بھارتی اسپنر ہربھجن سنگھ ہر قسم کی کرکٹ سے ریٹائر ہو گئے ہیں، انھوں نے کہا کہ وہ پہلے سے بین الاقوامی کرکٹ نہیں کھیل رہے لیکن رسمی اعلان باقی تھا۔
آج ٹوئٹر پر اعلان کرتے ہوئے ہربھجن سنگھ نے یوٹیوب پر ایک ویڈیو بھی شیئر کی ہے، جس میں انھوں نے کہا کہ انھوں نے "کھیل کے تمام فارمیٹس سے” ریٹائرمنٹ کا اعلان کر دیا ہے، انھوں نے کہا کئی طریقوں سے تو میں پہلے ہی ریٹائر ہو چکا تھا، لیکن آئی پی ایل میں کولکتہ نائٹ رائیڈرز کے ساتھ اپنے وعدوں کی وجہ سے، وہ اعلان میں تاخیر کرنے پر مجبور ہوئے۔
ہربھجن نے کہا آپ کی زندگی میں ایک وقت ایسا آتا ہے جب آپ کو کچھ سخت فیصلے لینے ہوتے ہیں اور آگے بڑھنا پڑتا ہے، میں پچھلے کچھ سالوں سے یہ اعلان کرنے کا سوچ رہا تھا، لیکن میں آپ سب کے ساتھ اسے شیئر کرنے کے لیے صحیح وقت کا انتظار کر رہا تھا۔
All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable.
My heartfelt thank you 🙏 Grateful .https://t.co/iD6WHU46MU— Harbhajan Turbanator (@harbhajan_singh) December 24, 2021
سابق آف اسپنر نے مزید کہا کہ آج میں کرکٹ کے تمام فارمیٹس سے ریٹائر ہو رہا ہوں، بہت سے طریقوں سے، میں ایک کرکٹر کے طور پر پہلے ہی ریٹائر ہو چکا تھا، لیکن رسمی اعلان کرنے کے قابل نہیں تھا۔
انھوں نے مزید کہا میں کچھ عرصے سے ایک فعال کرکٹر نہیں رہا ہوں، لیکن میری کولکتہ نائٹ رائیڈرز سے وابستگی تھی، اور میں ان کے ساتھ (2021) آئی پی ایل سیزن گزارنا چاہتا تھا، لیکن سیزن کے دوران ہی میں نے ریٹائر ہونے کا ذہن بنا لیا تھا۔
یاد رہے کہ 41 سالہ ہربھجن نے آخری بار مارچ 2016 میں بھارت کی طرف سے ایشیا کپ میں ڈھاکا میں متحدہ عرب امارات کے خلاف ٹی 20 کھیلا تھا۔ انھوں نے مارچ 1998 میں آسٹریلیا کے خلاف بنگلورو میں ایک ٹیسٹ میچ سے بین الاقوامی کریئر کا آغاز کیا۔
